У беларуса праверылі абутак на мяжы і знайшлі забароненыя рэчывы. Інцыдэнт здарыўся 12 сакавіка 2024 года падчас праверкі рэйсавага аўтобуса, што ехаў з Польшчы. У гэтым аўтобусе мяжу перасякаў, каб трапіць дахаты, грамадзянін Беларусі.
Высветлілася, што малады чалавек схаваў пад падкладку свайго абутку каля 0,5 грама марыхуаны. Аднак падчас мытнага кантролю ў пункце пропуску “Варшаўскі мост” наркотык знайшлі і канфіскавалі. Паводле словаў беларуса, ён спадзяваўся на няўважлівасць інспектараў мытні.
У выніку была ўзбуджаная крымінальная справа па двух артыкулах Крымінальнага кодэкса (328-1 і 328). Мужчына застаецца пад падпіскай аб нявыездзе і належных паводзінах.
Згодна з беларускім заканадаўствам, марыхуана з’яўляецца небяспечным наркатычным сродкам, які не выкарыстоўваецца ў медыцынскіх мэтах. Яна забаронена да абароту на падставе Закона “Аб наркатычных сродках, псіхатропных рэчывах, іх прэкурсорах і аналагах”.
За незаконны абарот марыхуаны ўстаноўлена крымінальная адказнасць незалежна ад маса і аб’ёму наркатычнага сродку. Незаконнае перамяшчэнне наркотыкаў праз мытную граніцу ЕАЭС ці дзяржаўную мяжу аднесена да катэгорыі цяжкіх злачынстваў супраць жыцця і здароўя насельніцтва. За гэта вызначана пакаранне ў выглядзе абмежавання волі на тэрмін да чатырох гадоў. Максімальна абвінавачваны можа атрымаць пазбаўленне волі на тэрмін да сямі гадоў са штрафам.
Чытаце таксама:
Литовец нафаршировал авто наркотой и поехал в Беларусь
