У Брэсце да купальнага сезона абнаўляюць папулярны пляж

Чырвоны Двор - ці не самае папулярнае месца адпачынку ля вады сярод жыхароў Брэста. У народзе яго называюць "брэсцкім морам". Камунальныя службы зараз займаюцца добраўпарадкаваннем пад'язных шляхоў да зоны адпачынку.

У Брэсце да купальнага сезона абнаўляюць пляж у зоне адпачынку Чырвоны Двор. Пра гэта паведаміў намеснік дырэктара — галоўны інжынер КУП «Брэсцкае дарожна-эксплуатацыйнае прадпрыемства» Эдвард Сырэвіч.

“Устаноўлены дарожны тратуарны борт, у бліжэйшы час будзе выканана ўстройства асфальтабетоннага пакрыцця. Дарога будзе тупіковая: там зробяць разваротнае кальцо”, — расказаў Эдвард Сырэвіч у каментары для БЕЛТА.

Ён таксама адзначыў, што для гандлёвых аб’ектаў зробяць з бетоннай дробнаштучнай пліткі. Паралельна спецыялісты займаюцца работамі па ўладкаванні водазабеспячэння і электразабеспячэння зоны адпачынку. Чакаецца, што іх завершаць у маі 2024 года.

Затым усталююць душавыя кабіны і пітныя фантанчыкі. Камунальнікі вырабляюць таксама ценявыя падстрэшкі, лежакі, лаўкі, дзіцячую пляцоўку. У распараджэнні тых, хто адпачывае, будзе спартыўная пляцоўка. Тэрыторыю пляжа падсыпаюць свежым пяском: яго прывязуць каля 1 тысячы тон.

“Гэта зона адпачынку вельмі папулярная. На Чырвоны Двор прыязджае шмат людзей: адпачываюць, пякуць шашлыкі, купаюцца, загараюць. Цяпер будзе значна больш камфортна”, — адзначыў намеснік дырэктара Брэсцкага ДЭП.

Ён паабяцаў, што зменіцца і прыбярэжная паласа ў зоне адпачынку Чырвоны двор. Камунальнікі выдаляюць лішнюю расліннасць, аварыйныя дрэвы. У бліжэйшы час пачнуцца работы па абследаванні і ачыстцы акваторыі “брэсцкага мора”.

Напярэдадні купальнага сезона ў парадак прыводзяць і іншыя пляжы абласнога цэнтра. Там абнаўляюць малыя архітэктурныя формы і спартыўны інвентар, правяраюць сістэмы водазабеспячэння.

Чытайце таксама:

У Брэсцкай вобласці забараняюць купацца і плаваць на лодках