Ці прызнаюць беларускую дуду культурнай спадчынай? Адказ на гэтае пытанне чакаюць ад міжнароднай арганізацыі ЮНЭСКА, куды Беларусь накіравала адпаведныя матэрыялы. Яны былі падрыхтаваны ў Мінскім аблвыканкаме ў 2024 годзе пры каардынацыі з Міністэрствам культуры Беларусі.
Беларуская дуда — духавы язычковы інструмэнт, які складаецца са скуранога мяшка, мэлядычнай трубкі (жалейка, перабор). Таксама яна мае адну ці дзве басовыя трубкі (гук, бас ці бурдон), і трубкі для надзіманьня паветра (соска, сапель).
У старабеларускай літаратуры дуда згадваецца з XV стагодздзя. Першыя іканаграфічныя крыніцы дуды ў Беларусі адносяцца да XVI стагодздзя. Тады на тэрыторыі Вялікага Княства Літоўскага пашырыліся дуды нямецкай канструкцыі. Беларуская дуда распаўсюджана на тэрыторыях Віцебскай, Гродзенскай, Гомельскай, Магілёўскай і Мінскай абласцей.
У 2023 годзе Міністэрства культуры Беларусі прызнала культуру беларускай дуды нацыянальнай гісторыка-культурнай каштоўнасцю. Зараз ёсць спадзяванне, што яна трапіць і у міжнародны спіс. Дарэчы, у снежні 2022 году ў рэпрэзентацыйны спіс нематэрыяльнай культурнай спадчыны ЮНЭСКА уключылі «Саломапляценне Беларусі: мастацтва, рамяство, уменні».
Чытайце таксама:
Попадет ли Брестская крепость в Список всемирного наследия ЮНЕСКО?
