Малады чалавек абяцаў прывесці машыну ў належны стан, але ў выніку ўзяў грошы за рамонт і знік разам з чужым аўтамабілем. Як высветлілася, гэта не першае падобнае здарэнне ў вяскоўца з удзелам транспортных сродкаў, што належаць іншым людзям.
Жыхарка Кобрына пазбавілася ўласнага аўтамабіля “Аўдзі А6”, калі адвезла яго ў рамонт. Звярнуўшыся ў міліцыю, 32-гадовая жанчына патлумачыла, што даўно знаёмая з 25-гадовым вяскоўцам. Раней ён меў судзімасць, але уладальніца аўтамабіля карысталася паслугамі па рамонце. Вырашыла жыхарка Кобрына зрабіць гэта зноў.
У адзін з дзён жанчына прывезла знаёмаму свой аўтамабіль для замены бампера, заплаціўшы 305 рублёў. Грошы былі перададзены ў тым ліку для пакупкі новай дэталі для машыны. Аднак гэтым разам вясковец падмануў уладальніцу “Аўдзі А6” і знік з яе аўтамабілем.
Аператыўнікі Кобрынскага РАУС высветлілі, што мужчына сапраўды ўстанавіў новы бампер. Але далей, скарыстаўшыся даверлівасцю сваёй знаёмай, вырашыў машыну прадаць. Вясковец знайшоў пакупніка і прапанаваў здзейсніць здзелку без удзелу гаспадыні аўто.
Паводле слоў жыхара Кобрынскага раёна, з жанчынай нібыта ўсё дамоўлена і яна гатова ў любы момант пад’ехаць для пераафармлення. Пакупнік пагадзіўся і перадаў маладому чалавеку грошы памерам каля 7200 рублёў. Пасля атрымання сродкаў ашуканец знік, а пацярпелая спрабавала яго знайсці, але пошукі не мелі поспеху.
У аналагічную гісторыю трапіў 37-гадовы жыхар Кобрынскага раёна. Ён таксама звярнуўся з заявай аб тым, што аддаў свой аўтамабіль “Фальксваген Вента”. Мужчына паведаміў, што пазнаёміўся з 25-гадовым вяскоўцам, які займаецца рамонтам транспартных сродкаў. Уладальнік аўто вырашыў скарыстацца паслугамі і прыгнаў сваю машыну для рамонту новаму знаёмаму.
Праз некаторы час мужчына хацеў забраць “Фальксваген” і пачаў тэлефанаваць, каб даведвацца, ці выкананы рамонт. У адказ майстар прыдумляў розныя адгаворкі, спасылаючыся на тое, што машына яшчэ не гатова. Так працягвалася каля двух тыдняў і гаспадар іншамаркі зразумеў, што майстар яго падманвае.
Пасля звароту ў міліцыю высветлілася, што ашуканец зрабіў з чужым аўтамабілем тое самае — перапрадаў машыну. За продаж аўтамабіля вясковец атрымаў 1950 рублёў. Як і ў першым выпадку, пасля атрымання грошай малады чалавек знік.
Яго затрымалі па месцы жыхарства сваёй знаёмай. У размове з міліцыянтамі мужчына патлумачыў, што грашовыя сродкі ён патраціў на пагашэнне даўгоў і на асабістыя патрэбы. Зараз нанесены урон па згаданых фактах кампенсаваны. Следчымі органамі распачата крымінальная справа за махлярства.
Чытайце таксама:
Ранее судимый за мошенничество житель Столинского района снова взялся за старое
Предприятие «Белтехосмотр» увеличило тарифы на свои услуги по проведению государственного технического осмотра автомобилей. Новые тарифы…
Необычная история случилась год назад – в сентябре 2023 года, когда через пункт пропуска «Каменный…
Северные земли Карелии испокон веков были родиной вепсов. И эти отважные дети леса были отличными…
Если новый закон будет принят, то в Беларуси больше не будут наказывать водителей за причинённые…
Возле офиса Wildberries в Москве произошел инцидент со стрельбой, связанный с конфликтом между основательницей компании…
Сам по себе город Коссово недооценён из-за того, что его затмили дворец Пусловских и усадьба…
Мы используем файлы cookies.