Паводле афіцыйных дадзеных, за мінулы год жыхароў у Беларусі стала менш амаль на 45 тысяч чалавек. Дынаміка скарачэння працягваецца трыццаць гаоў запар. Пры гэтым сталіца краіны (Мінск) ужо не з’яўляецца горадам, дзе жыве два мільёна чалавек.
Насельніцтва Беларусі працягвае скарачацца. На 1 студзеня 2024 году ў краіне налічылі 9 155 978 чалавек. Такія звесткі публікуе Белстат. У параўнанні з 1 студзеня 2023 году колькасць жыхароў скарацілася на 44 639 чалавек.
Калі ўзгадаць дадзеныя на пачатак 2022 года, тады насельніцтва Беларусі было больш на 99,5 тысячы чалавек. У параўнанні з пачаткам 2020 года цяпершняя лічба зменшылася на 254,3 тысячы чалавек.
Гарадское насельніцтва на 1 студзеня 2024 году склала 7 918 285 чалавек. За год яно скарацілася на 14,1 тысячы. Жыхароў вёсак стала менш на 30,5 тысячы (1 мільён 988 тысяч чалавек).
Насельніцтва скарачаецца ва ўсіх рэгіёнах Беларусі, аднак больш за ўсё — у Віцебскай вобласці. Там колькасць людзей за год паменшылася больш чым на 10 тысяч чалавек. Менш за іншых скарацілася насельніцтва ў Мінскай вобласці (на 1732 чалавекі).
У беларускай сталіцы на 1 студзеня 2024 года пражывалі 1 992 862 чалавекі. Гэта на 2 609 чалавек менш, чым у пачатку мінулага года. Звесткі аб колькасці насельніцтва Белстат прыводзіць рэгулярна, узгадваючы тых, хто пражывае ў краіне не менш за год.
Насельніцтва Беларусі скарачаецца з 1994 года. Выключэннем былі толькі 2015 і 2016 гады. Рэкорднае падзенне насельніцтва было зафіксавана ў 2021 годзе — 94 тысячы чалавек. Яно можа быць звязана з ахвярамі каранавірусу, але інфармацыю пра смертнасць у Беларусі зараз хаваюць.
Необычная история случилась год назад – в сентябре 2023 года, когда через пункт пропуска «Каменный…
Северные земли Карелии испокон веков были родиной вепсов. И эти отважные дети леса были отличными…
Если новый закон будет принят, то в Беларуси больше не будут наказывать водителей за причинённые…
Возле офиса Wildberries в Москве произошел инцидент со стрельбой, связанный с конфликтом между основательницей компании…
Сам по себе город Коссово недооценён из-за того, что его затмили дворец Пусловских и усадьба…
Главного инженера одного из сельхозпредприятий в Лунинецком районе судили за хищение и злоупотребление служебными полномочиями…
Мы используем файлы cookies.