Аміяк трапіў у паветра: што адбылося на мясакамбінаце ў Брэсце?

Надзвычайнае здарэнне з аміякам мела месца на тэрыторыі Брэсцкага мясакамбіната. Гарадскія ўлады і выратавальныя службы запэўніваюць, што пацярпелых няма. Прычыны інцыдэнту пакуль высвятляюцца.

На мясакамбіната ў Брэсце ўвечары 18 сакаіка 2024 года адбылося надзвычайнае здарэнне. Па звестках абласнога ўпраўлення МНС, ратавальнікам паведамілі аб разгерметызацыі вадкаснага трубаправода аміячнай халадзільнай устаноўкі. Здарылася гэта на тэрыторыі прадпрыемства па вуліцы пісьменніка Смірнова ў Брэсце.

У выніку адбылася ўцечка аміяку ў атмасферу. Паведамляецца, што на месцы інцыдэнту працавалі 11 адзінак тэхнікі і 39 працаўнікоў МНС. Таксама былі задзейнічаны працаўнікі прадпрыемства і іншых службаў.

Работнікамі МНС і прадпрыемства былі зачынены засаўкі на пашкоджаным участку трубаправода, праведзена асаджэнне пароў аміяку. Тэхнічным персаналам прадпрыемства арганізавана падача вадкага аміяку для работы халадзільнай устаноўкі па абводным трубаправодзе.

“Уцечка рэчыва ліквідавана. Канцэнтрацыя пароў аміяку ў паветры на тэрыторыі камбіната і за яго межамі ў норме”, — адзначаецца ў паведамленні выратавальнай службы.

0 комментариев ждут одобрения

Там таксама запэўнілі, што пацярпелых няма, а тэхналагічны працэс прадпрыемства ў цэлым не парушаны. Прычына інцыдэнту высвятляецца. Працы па аднаўленні пашкоджанага ўчастка трубаправода запланаваны на 19 сакавіка.

Чытайце таксама:

Где в Брестской области будут обновлять пожарные аварийно-спасательные части